DÍA DA PAZ

O pasado xoves 30 de xaneiro, os nenos e nenas da escola de Carrio fomos o edificio da Senra para festexalo Día da Paz  en compañía dos compañeiros e compañeiras das outras escolas do CRA.

Á verdade é que o pasamos bomba; pois fixemos distintas actividades que, ademais de ser divertidas, servíronnos para traballar e recordar moitos  valores necesarios para acadar a Paz no mundo como: o compañerismo, o respeto, a bondade, o saber perdoar, as actitudes de axuda cara os demais, a gratitude, a xenerosidade, …

Para iso, en primeiro lugar, os nenos e nenas das distintas escolas presentaron ó resto de compañeiros o dereito da infancia que estiveran traballando eses días na aula coa súa mestra. Nós ensinámoslles o libriño que coa axuda das familias fixemos para traballar o dereito de identidade e explicámoslles o que investigamos sobre o significado dos nosos nomes.

 Logo baixamos ó ximnasio realizar distintos xogos basados no traballo en equipo. 

Tamén recibimos a visita de Anxo Moure o cal nos narrou unhas historias que nos gustaron moito.

 Xa para finalizar a saída, todos xuntos cantamos a canción que a profe María nos ensinou e soltamos unhas pombas  para que levaran a Paz polo mundo adiante.